ایک نیوز: دی لیجنڈ آف مولا جٹ سمیت کئی پاکستانی پنجابی اور اردو فلموں کے رائٹر ناصرادیب کی خدمات کو سراہنے اور لائف اچیومنٹ ایوارڈ دینےکے لئے شاندار شام کا انعقاد کیا گیا۔
تفصیلات کے مطابق لاہور الحمراء آرٹس کونسل میں ایشیئن کلچرل ایسوسی ایشن کی جانب سے پاکستان شوبز انڈسٹری کو ناقابل فراموش فلموں کا تحفہ دینے والے ناصرادیب کی خدمات کا اعتراف کیاگیا۔
اعتراف فن کی سجی اس تقریب میں شوبز انڈسٹری کی معروف شخصیات نے شرکت کی اور ناصرادیب کی خدمات کو خراج تحسین پیش کیا۔
تقریب میں صوفی ڈانس اور گلوکاری سمیت کئی شاندارپرفارمنسز نے شام کو یادگار بنا دیا۔
تقریب کے اختتام پر ناصر ادیب نے گفتگو کرتے ہوئے کہا کہ اگر ہم انڈسٹری کو آگے بڑھتے دیکھنا چاہتے ہیں تو ہمیں فن اورفنکار کے کام کو اہمیت دینا ہوگی۔