ایک نیوز: کرسٹیانو رونالڈو نے باضابطہ طور پر سعودی کلب النصر کو جوائن کرلیا ہے۔ رونالڈو کی باضابطہ آمد کی تقریب مرسول پارک اسٹیڈیم میں دھوم دھام سے ہوئی۔
رپورٹ کے مطابق رونالڈو اپنی فیملی کے ہمراہ پرائیوٹ جیٹ میں سعودی دارالحکومت پہنچے جہاں ان کا پرتپاک استقبال کیا گیا۔ کرسٹیانو رونالڈو کی باضابطہ آمد کی تقریب مرسول پارک اسٹیڈیم میں ہوئی۔ تقریب میں رونالڈو اور النصر کے فینز نے بڑی تعداد میں شرکت کی ۔اسٹار فٹبالر رونالڈو کلب کی جرسی پہن کر میدان میں آئے تو مداحوں نے اس موقع پر بھرپور جشن منایا۔
رونالڈو نے پریس کانفرنس کرتے ہوئے سعودی کلب النصر کو جوائن کرنے پر گفتگو کی۔ رونالڈو نے پریس کانفرنس میں کہا کہ یورپ میں میرا کام مکمل ہوگیا ہے میں نے سب کچھ جیت لیا ہے۔ النصر سے معاہدہ کرنے سے قبل مجھے کئی برازیل، امریکی، پرتگالی اور یورپی کلب سے کھیلنے کی پیشکش ہوئی لیکن میں نے النصر کو چنا۔
رونالڈو نے کہا کہ میں ہر چیزجیت چکا ہوں۔ میں یورپ کے بہترین کلب سے کھیل چکا اب ایشیا میں ایک نیا امتحان ہے۔ النصر کے ساتھ میرا معاہدہ منفرد ہے، میں بھی منفرد کھلاڑی ہوں، اس لیے یہ میرے لیے معمولی ہے۔
واضع رہے کہ رونالڈو اور سعودی کلب کے درمیان ڈھائی سالہ معاہدہ طے پایا ہے جس کے تحت النصر کلب انہیں 21 کروڑ 30 لاکھ ڈالرز معاوضہ ادا کرے گا۔