آرآئی ٹیکنالوجی کی مدد سےبرفانی چیتے کیساتھ بچی کی تصویر وائرل

ویب ڈیسک: آرٹیفیشل انٹیلی جنس کی مدد سے برفانی چیتے کے ساتھ بچی کی تصویروائرل ہو گئی ۔
سوشل میڈیا پر ایک تصویر وائرل ہورہی ہے جس میں ایک بچی بغیر کسی خوف کے ایک برفانی چیتے کے ساتھ بیٹھی ہے، کئی صارفین بچی کی دلیری کی تعریف کررہے ہیں۔
صارفین یہ دعویٰ کررہے ہیں کہ بچی کا نام گلمینہ ہے جس کا تعلق گلگت بلتستان سے ہے۔خودساختہ کہانی کے مطابق بچی نے برفانی چیتا بلی کا بچہ سمجھ کر پالا تھا اور اب وہ بڑا ہو گیا ہے اور پہاڑوں پر رہتا ہے لیکن اس بچی سے مانوس ہونے کی وجہ سے اس کے ساتھ پالتو جانوروں جیسا رویہ اختیار کیے ہوئے ہے۔
تاہم حقیقت یہ ہے کہ یہ تصویر آرٹیفیشل انٹیلی جنس (مصنوعی ذہانت) کے ذریعے بنائی گئی ہے، اس تصویر کا حقیقت سے کوئی تعلق نہیں ہے۔یہ تصویر ببرک خان نامی صارف کا ڈیجیٹل آرٹ ہے جو انہوں نے آرٹیفیشل انٹیلیجنس کے ٹول مڈ جرنی سے تخلیق کیا ہے۔ان کے انسٹاگرام اکاؤنٹ پر اسی تصویر جیسے دیگر تصاویر بھی شئیر کی گئی ہیں۔