ایک نیوز: سپریم کورٹ آف پاکستان کےپنجاب اور خیبرپختونخواں میں انتخابات التوا کیس کا محفوظ فیصلہ سنانے کے بعد پی ٹی آئی رہنماؤں کا رد عمل بھی سامنے آگیا ہے۔
رپورٹ کے مطابق پی ٹی آئی رہنما فواد چوہدری کا کہنا ہے کہ چیف جسٹس عمر عطا بندیال آج عوام کے چیف جسٹس بن گئے ہیں۔ چیف جسٹس آف پاکستان نے بے پناہ دباؤ کے خلاف ڈٹ کر مقابلہ کیا ہے۔ چیف جسٹس آف پاکستان نے غیر قانونی مطالبات کو مسترد کر دیا ہے۔ فواد چوہدری نے مزید کہا کہ چیف جسٹس آف پاکستان نے ثابت قدمی کا ثبوت دیا ہے ،قوم سپریم کورٹ کو سلام پیش کرتی ہے۔
J Bandial has become People’s Chief Justice today….. he stood tall against immense pressure rejected all illegal demands and proved a man of substance … Nation Salutes SC #NationStandswithCJP #NationStandswithConstitution
— Ch Fawad Hussain (@fawadchaudhry) April 4, 2023
پی آئی رہنما حماد اظہر نے سپریم کورٹ کے اس تاریخی فیصلہ پر رد عمل دیتے ہوئے کہا کہ سپریم کورٹ نے آئین کو بحال کر دیا اور جمہوریت کو بچا لیا ہے۔ قانون اور آئین کے دائرے میں رہتے ہوئے اس فیصلے کے علاوہ کوئی اور فیصلہ ناممکن تھا۔
حماد اظہر نے مزید کہا کہ سیاسی جماعتیں میدان سے بھاگتی نہیں ہیں ۔ پی ڈی ایم بھی جمہوری عمل کا حصہ بنیں،یہ جمہوریت اور آئین کی فتح ہے۔
سپریم کورٹ نے آئین کو بحال کر دیا اور جمہوریت کو بچا لیا۔
— Hammad Azhar (@Hammad_Azhar) April 4, 2023
قانون اور آئین کے دائرے میں رہتے ہوئے اس فیصلے کے علاوہ کوئی اور فیصلہ ممکن بھی نا تھا۔
سیاسی جماعتیں میدان سے بھاگتی نہیں۔ پی ڈی ایم بھی جمہوری عمل کا حصہ بنیں۔ یہ جمہوریت اور آئین کی فتح ہے۔
پی ٹی آ ئی رہنما زلفی بخاری کا کہنا ہےکہ آئین کی فتح پاکستان کی فتح، پوری قوم کو مبارک ہو۔ سپریم کورٹ کا یہ تاریخی فیصلہ آئین کی پاسداری اور تاریخ میں ہمیشہ یاد رکھا جائے گا۔
آئین کی فتح پاکستان کی فتح، پوری قوم کو مبارک ہو، سپریم کورٹ کا یہ تاریخی فیصلہ آئین کی پاسداری اور تاریخ میں ہمیشہ یاد رکھا جائے گا.
— Sayed Z Bukhari (@sayedzbukhari) April 4, 2023