ایک نیوز: پاکستان کرکٹ ٹیم کے بیٹر افتخار احمد آج اپنی 33 ویں سالگرہ منا رہے ہیں، ٹیم کے کھلاڑیوں نے انہیں مبارکباد دی اور کیک بھی کاٹا۔
Turning up the birthday vibes with the squad for @IftiMania! ????????#AsiaCup2023 | #BackTheBoysInGreen pic.twitter.com/WwQNjKaklf
— Pakistan Cricket (@TheRealPCB) September 3, 2023
پی سی بی کی جانب سے سوشل میڈیا پر ایک ویڈیو اپ لوڈ کی گئی جس میں ٹیم کے کھلاڑیوں کو افتخار احمد کی سالگرہ مناتے اور ان کے لیے نیک خواہشات کا اظہار کرتے ہوئے دیکھا جاسکتا ہے۔
اس موقع پر پاکستان کرکٹ ٹیم کے اوپنر فخر زمان نے افتخار احمد کو مخاطب کرتے ہوئے کہا کہ ' سالگرہ مبارک ہو، آپ ہماری ٹیم کے چھوٹے بھائی ہو'۔ اس کے علاوہ شاداب خان نے مذاق کرتے ہوئے کہا کہ افتخار احمد 16 سال کے لگتے ہیں۔
واضح رہے کہ گزشتہ روز ایشیا کپ میں پاک بھارت میچ بارش کی نذر ہوگیا تھا، پاکستان نے ایونٹ کے پہلے میچ میں نیپال کو یکطرفہ مقابلے کے بعد شکست دی تھی۔
نیپال کے خلاف میچ میں افتخار احمد نے اپنے ون ڈے کیریئر کی پہلی سنچری بھی اسکور کی تھی۔