ایک نیوز: مظفر آباد کے علاقے چھون میں دریائے نیلم میں گرنے والی گاڑی میں سوار 4 افراد کی لاشیں نکال لی گئیں۔
پولیس کے مطابق جاں بحق افراد دریا میں گرنے والی گاڑی میں سوار تھے، گاڑی بارش کے باعث سڑک سے پھسل کر دریا میں گر گئی تھی۔
اس حادثے سے متعلق پولیس کا کہنا ہے کہ رات کا وقت ہونے کی وجہ سے کسی کو پتہ نہیں چل سکا، صبح راہ گیروں کی نظر پڑنے پر حادثے کی اطلاع ملی۔
پولیس کے مطابق جاں بحق ہونے والوں کا تعلق جھینگ نامی گاؤں سے تھا۔ گاڑی میں سوار ایک خاتون کو ریسکیو کر کے اسپتال منتقل کر دیا گیا ہے۔