ایک نیوز: پاکستان کرکٹ ٹیم کے فاسٹ بولر شاہین آفریدی نے بھارت کے خلاف شاندار بولنگ پر ردعمل کا اظہار کیا ہے۔
Beshak sari tareefain Allah pak ke liye!
— Shaheen Shah Afridi (@iShaheenAfridi) September 2, 2023
Thank you Ammi Abbu. ❤️ pic.twitter.com/C5NQxfAvV3
ایشیا کپ ون ڈے میں پاکستان کے خلاف بھارت کی پوری ٹیم 49 ویں اوور میں 266 رنز بنا کر آؤٹ ہوگئی تھی۔
پاکستان کی جانب سے شاہین شاہ آفریدی نے 35 رنز دے کر 4 کھلاڑیوں کو پویلین روانہ کیا جبکہ نسیم شاہ نے 36 رنز دے کر 3 وکٹیں اور حارث رؤف نے 58 رنز دے کر 3 وکٹیں حاصل کیں۔
اس میچ میں پاکستانی فاسٹ بولرز نے تاریخ رقم کی۔ ایشیا کپ ون ڈے کی تاریخ میں پہلی بار فاسٹ بولرز نے مخالف ٹیم کی تمام وکٹیں اڑادیں۔
پاک بھارت میچ بے نتیجہ ختم ہوگیا لیکن شائقین کی جانب سے سوشل میڈیا پر شاہین آفریدی کی بولنگ کی جم کر تعریف کی گئی۔
شاہین آفریدی نے بھی میچ کے بعد ٹوئٹ کی اور کہا کہ بے شک ساری تعریفیں اللہ پاک کیلئے ہیں۔
انہوں نے مزید لکھاکہ ’تھینک یو امی ابو‘۔