ایک نیوز: ایف آئی اے سائبر کرائم سرکل راولپنڈی نے کارروائی کرتے ہوئے مالی فراڈ اور جنسی ہراسگی میں ملوث ملزمان کو گرفتار کر لیا ہے۔
رپورٹ کے مطابق ایڈیشنل ڈائریکٹر سائبر کرائم راولپنڈی چوہدری عبدالروف کی ہدایات پر ایف آئی اے کی ٹیموں نے کارروائی کرتے ہوئے مالی فراڈ اور جنسی ہراسگی میں ملوث ملزمان کو گرفتار کر لیا ہے۔ملزم محمد ریاض کو مالی فراڈ اور رمیض خان کو جنسی ہراسانی کے جرم میں گرفتار کیا گیا ہے۔
ملزم محمد ریاض کو مظفر گڑھ جبکہ رمیض خان کو راولپنڈی سے چھاپہ مار کارروائیوں میں گرفتار کیا گیا ہے،ملزم نے شہری کا بینک اکاونٹ ہیک کر کے 9 لاکھ روپے ہتھیائے۔ملزم رمیض خان نے متاثرہ خاتون کی قابل اعتراض تصاویر سوشل میڈیا پر شیئر کیں،ملزم متاثرہ خاتون کے نام سے سوشل میڈیا اکاؤنٹس بنا کر قابلِ اعتراض مواد شئیر کرنے میں ملوث تھا ۔
ملزم سے دو عدد موبائل فون اور ایک لیپ ٹاپ قبضے میں لے لیا گیا ہے،ملزم گزشتہ 3 ماہ سے شکایت کنندہ کو ہراساں کر رہا تھا۔ ملزمان کو گرفتار کر کے تفتیش کا آغاز کر دیا گیا ہے۔