ایک نیوز: فزکس میں 2023 کےنوبل انعام کااعلان کردیا گیا۔
رپورٹ کے مطابق نوبل انعام پیئر اگوسٹینی، فرینک کراؤز اور این ایل ہولیئر کو الیکٹران ڈائنامکس مطالعہ کے لیے روشنی کی پلسز ماپنے کے تجربات کیلئے دیا گیا ہے۔کیمسٹری، ادب، امن اور اکنامک سائنسز کے نوبل انعامات کا اعلان ہونا ابھی باقی ہے، جس کے اعلانات 9 اکتوبر تک ہوں گے۔ آئندہ اعلان کیمسٹری کے نوبل انعام کا ہے، جس کا اعلان کل کیا جائے گا۔
BREAKING NEWS
— The Nobel Prize (@NobelPrize) October 3, 2023
The Royal Swedish Academy of Sciences has decided to award the 2023 #NobelPrize in Physics to Pierre Agostini, Ferenc Krausz and Anne L’Huillier “for experimental methods that generate attosecond pulses of light for the study of electron dynamics in matter.” pic.twitter.com/6sPjl1FFzv
یادرہے نوبل انعام ڈائنامائٹ کی ایجاد کے لیے مشہور سویڈش موجد الفریڈ نوبل کی وصیت پر مبنی ہیں جو 1896 میں انتقال کر گئے تھے۔ نوبل انعام سویڈن کے مرکزی بینک نے قائم کیا۔ ان باوقار ایوارڈز کے لیے نوبل انعام یافتہ افراد کے ناموں کا اعلان روایتی طور پر اکتوبر کے دوران اسٹاک ہوم میں ہوتی ہے سوائے امن انعام کے جس کا تعین اوسلو میں ناروے کی نوبل کمیٹی کرتی ہے۔
WATCH LIVE: Join us for the 2023 Nobel Prize in Physics announcement.
— The Nobel Prize (@NobelPrize) October 3, 2023
Hear the breaking news first.
Where are you watching from?#NobelPrize https://t.co/GhQ8IN9tqj
یاد رہے کہ میڈیسن کا نوبل پرائز کوروونا وبا کے انسداد میں اہم کردار ادا کرنے والے کیٹالین کیریکو اور ڈریوویس مین کے نام رہا۔ امریکا سے تعلق رکھنے والے سائنس دانوں کیٹالین کاریکو اور ڈریو ویس مین نے mRNAکووڈ 19 ویکسین کی نشوونما کے قابل بنانے والی دریافتوں پر فزیالوجی یا میڈیسن میں 2023 کا نوبل انعام جیتا۔کیٹالن کیریکو اور ڈریو ویس 2020 کے اوائل میں شروع ہونے والی عالمی وبا کووڈ 19 یا کورونا کے دوران موثر mRNA ویکسین تیار کرنے کے لیے اہم ریسرچ کی ۔ جس کے ذریعے انہوں نے ثابت کیا کہ کس طرح mRNA ہمارے مدافعتی نظام کے ساتھ تعامل کرتا ہے۔
ان کا یہ مقالہ 2005 میں شائع ہوا تھا جس پر اس وقت بہت کم توجہ دی گئی تھی ۔ تاہم بعد ازاں کورونا کی ویکسین کی تیاری اس مقالے کی بنیاد پر ہی کی گئی تھی۔ سائنسی دنیا کے سب سے باوقار انعامات میں سے، اس انعام کا انتخاب سویڈن کی کیرولنسکا انسٹی ٹیوٹ میڈیکل یونیورسٹی کی نوبل اسمبلی نے کیا.
ڈریوویس مین پیرل مین سکول میں ویکسین کی تحقیق کے پروفیسر ہیں۔کیٹالن کیریکو نے مدافعتی نظام کو لیبارٹری میں بنائے گئے mRNA کے خلاف اشتعال انگیز رد عمل شروع کرنے سے روکنے کا ایک طریقہ تلاش کیا، جو پہلے mRNA کے کسی بھی علاج کے استعمال کے خلاف ایک بڑی رکاوٹ کے طور پر دیکھا جاتا تھا۔
سویڈن کے دارلحکومت سٹاک ہوم میں رواں سال کے نوبل انعام کے حقداروں کے ناموں کے اعلانات 2تا9 اکتوبر کے دوران کیے جائیں گے ، جس میں فزیالوجی یا میڈیسن کے 2023 کے انعامات کا اعلان آج کیا گیا ہے۔ روسی خبر رساں ادارے کے مطابق رائل سویڈش اکیڈمی آف سائنسز 3 اکتوبر کو فزکس اور 4 اکتوبر کو کیمسٹری کے انعامی فیصلے کا اعلان کرے گی۔
ادب کے نوبل انعام کا اعلان اوسلو میں 5 اکتوبر کو کیا جائے گا اور 2023 کے نوبل امن انعام کے فاتح کا اعلان6 اکتوبر کو کیا جائے گا۔الفریڈ نوبل کی یاد میں اقتصادی علوم میں سوورئیس رسک بنک انعام کا اعلان 9 اکتوبر کو کیا جائے گا۔