نامناسب لباس: عرفی جاوید کو پولیس نے گرفتار کرلیا  

ایک نیوز :بھارتی اداکاروہ ماڈل عرفی جاوید کو پولیس نے نامناسب کپڑے پہننے پرگرفتارکرلیا۔
رپورٹ کے مطابق بھارتی اداکارہ و ماڈل  عرفی جاوید اپنے بے باک انداز کی وجہ سے آئے روز خبروں کی زینت بنی رہتی ہیں لیکن یہی  بے باک انداز اب  ان کے پولیس اسٹیشن جانے کی وجہ بن گیا۔
 عرفی جاوید  ممبئی میں نامناسب کپڑے پہنے  ایک ریسٹورنٹ میں موجود تھیں جس کے بعد اداکارہ کو پولیس نے گرفتارکرلیا۔
عرفی جاوید کی گرفتاری کی ویڈیو بھی سوشل میڈیا پر وائرل ہورہی ہے،  جس میں بھارت کی خواتین پولیس اہلکاروں کو عرفی کو زبردستی ریسٹورنٹ سے لے جاتے دیکھا جاسکتا ہے۔ عرفی جاوید کی گرفتاری کی ویڈیو پر سوشل میڈیا صارفین کی جانب سے مختلف تبصرے کیے جارہے ہیں کوئی اسے نیا ڈرامہ قرار دے رہا ہے تو کوئی اسے عرفی کی جانب سے کیے جانے والا مذاق سمجھ رہا ہے۔
واضح رہے کہ رواں سال کے آغاز میں سیاسی جماعت بی جے پی رہنما چترا واگھ نے  عرفی جاوید کے خلاف پولیس میں شکایت درج کرواتے ہوئے ان کی گرفتاری کا مطالبہ کیا تھا۔
بی جے پی کی رہنما چترا واگھ نے ممبئی کی سڑکوں پر بے حیائی پھیلانے پر پولیس کو عرفی کیخلاف شکایت درج کرنے اور گرفتار کرنے کا کہا تھا۔
مزید برآں  اداکارہ کو نامناسب لباس پر ایک ریسٹورینٹ میں بھی جانے سے روکا جاچکا ہے۔