ایک نیوز نیوز: لانگ مارچ کے ساتویں روز آج چیئرمین پاکستان تحریک انصاف عمران خان پر وزیرآباد کے نزدیک فائرنگ کا افسوسناک واقعہ پیش آیا ہے۔
تفصیلات کے مطابق فائرنگ کے افسوسناک واقعہ کے بعد پی ٹی آئی مرکزی قیادت کا شدید ردعمل آرہا ہے۔ مرکزی سینئر نائب صدر پاکستان تحریک انصاف ڈاکٹر شیریں مزاری نے سماجی رابطوں کی ویب سائٹ ٹوئٹر پر ایک ٹوئٹ میں لکھا ہے کہ رانا ثناءاللہ نے عمران خان کو قتل کی دھمکی دی، آج ہم نے دیکھا کہ قاتلانہ حملہ کردیا گیا۔
Rana Sana threatened to murder IK & today we saw him attempt that. He should be arrested on attempted murder as his public statement bear witness to same. The string pullers, the Establishment will also be held responsible by the nation for this murderous attack on Imran Khan.
— Shireen Mazari (@ShireenMazari1) November 3, 2022
انہوں نے مطالبہ کیا کہ رانا ثناءاللہ کو فوری طور پر گرفتار کیا جائے کیونکہ اس کے بیانات اس کے عزائم کے گواہ ہیں۔ عمران خان پر اس قاتلانہ حملے پر ڈوریاں ہلانے والوں کے ساتھ اسٹیبلشمنٹ کا بھی محاسبہ کیا جائے گا۔
رانا ثنا کئی دن سے سر کچلنے جیسے الفاظ ادا کر کے قاتلانہ حملے کی دھمکیاں دے رہا تھا۔ اور آج قاتلانہ حملہ کر دیا گیا۔
— Dr. Shahbaz GiLL (@SHABAZGIL) November 3, 2022
دوسری جانب پی ٹی آئی رہنما شہباز گل نے اپنے ردعمل میں کہا ہے کہ رانا ثناءاللہ میڈیا پر کہہ چکا کہ عمران خان کا سر کچلنا ضروری ہے اور آج حملہ ہوگیا۔