ایک نیوز: کراچی میں سپرہائی وے پر ڈکیتی مزاحمت کے دوران ڈاکوؤں کی فائرنگ میں باپ بیٹا زخمی ہوگئے۔
پولیس کا کہنا ہے کہ زخمی محمد وارث لاڑکانہ سے کراچی بیٹے کے گھر آیا تھا، باپ اور بیٹے نے ایک ڈاکو کو پکڑا تو دوسرے نے فائرنگ کردی۔
پولیس کے مطابق ڈاکو کی فائرنگ سے باپ بیٹا زخمی ہوئے جبکہ ملزمان موقع سے فرار ہوگئے۔
واضح رہے کہ ناظم آباد کے علاقے پاپوش نگر قبرستان کے قریب ڈاکوؤں نے لوٹ مار کی واردت کے دوران مزاحمت کرنے پر فائرنگ کر کے میاں بیوی کو زخمی کر دیا اور لوٹ مار کر کے فرار ہوگئے۔جمعرات اور جمعہ کی درمیانی شب ڈاکوؤں کی فائرنگ سے زخمی ہونے والے میاں بیوی کی شناخت 39 سالہ دانش حیات ولد سکندر حیات اور 30 سالہ عروج زوجہ دانش کے نام سے کی گئی ۔زخمی میاں بیوی نارتھ ناظم آباد بلاک E اشرف کمپاؤنڈ کے رہائشی ہیں ۔جنہیں ابتدائی طبی امداد کے بعد نجی اسپتال منتقل کردیا گیا۔ پولیس نے واقعے کی تفتیش شروع کردی ہے۔