نشاستہ سے بھرپور غذائیں کھاناوزن کم کرنے میں فائدہ مند قرار 

ویب ڈیسک: تحقیق میں معلوم ہوا ہے کہ  نشاستہ سے بھرپور غذائیں کھانا وزن کم کرنے میں انتہائی مفید ثابت ہوسکتا ہے۔
مطالعے میں معلوم ہوا کہ وزن کم کرنے کے لیے روزانہ 40 گرام مزاحم نشاستہ سے بھرپور غذائیں کھانے والے افراد نے آٹھ ہفتوں میں 2.72 کلو گرام یا اس سے زیادہ وزن کم کیا۔
مزاحم نشاستہ کچے کیلے اور لوبیا میں بھرپور مقدار میں پائے جاتے ہیں۔ اس کے علاوہ سالم اجناس کا استعمال بھی وزن کم کرنے کے لیے انتہائی آسان طریقہ ثابت ہوسکتا ہے۔
چین کے شینگھائی کلینیکل سینٹر برائے ذیا بیطس کے محققین کی جانب سے کی جانے والی تحقیق میں زیادہ وزن کے 37 رضاکاروں کو 16 ہفتوں تک روزانہ تین بار پری میڈ (سپر مارکیٹ میں موجود ایسے بنے بنائے کھانے جن کو گھر لا کر معمولی سی گرمائش یا اضافے کے بعد کھا لیا جاتا ہے) کھانے دیے گئے۔