ایک نیوز: پنجاب بھر میں سرکاری سکولز کی نجکاری کے معاملے پر پنجاب بھر سے اساتذہ سڑکوں پر آ گئے۔
پنجاب بھر سے اساتذہ ناصر باغ سے سیکرٹریٹ تک ریلی نکال رہے ہیں، پنجاب بھر سے آئے اساتذہ سول سیکرٹریٹ کے باہر احتجاج کرینگے ، پنجاب حکومت کی جانب سے 13 ہزار سرکاری سکولوں کی نجکاری کا فیصلہ کیا گیاہے۔
اس کے علاوہ حکومت کے پاس 35 ہزار سرکاری سکول رہ جائینگے ،حکومت پیف کے ذریعے 13 سرکاری سکولوں کی نجکاری کریگی، حکومت پرائیویٹ انتظامیہ کو فی طالب علم 650 روپے ادا کریگی، پرا ئیویٹ انتظامیہ طالب علم کی تعلیم و تربیت کے انتظامات کریگی ،
اساتذہ کا کہنا ہے کہ سکولوں کی نجکاری کو روکا جائے اور ایک لاکھ خالی آسامیوں پر اساتذہ کی بھرتی کی جائے ،پرائیویٹ ٹیچر جب چاہیں گے چھوڑ کر چلے جائیں گے، بچوں کی تعلیم کا حرج ہو گا ،سکولوں کی نجکاری کی بجائے اساتذہ کی بھرتی کی جائے ۔
کیپشن: The issue of privatization of government schools of Punjab, teachers protest on the streets