ذاتی زندگی کو سوشل میڈیا پر نہیں لانا چاہتی،نوین وقار

ویب ڈیسک:اداکارہ وماڈل نورین وقار کاکہنا ہے کہ میں کبھی بھی اپنی ذاتی زندگی کو سوشل میڈیا پر نہیں لانا چاہتی۔
اداکارہ نوین وقار نے پوڈ کاسٹ میں کیرئیر سمیت انڈسٹری کے حوالے سے بات کی۔
 اداکارہ و ماڈل نوین وقار نے کہا ہےکہ وہ اپنی ذاتی زندگی کے بارے میں بات کرکے اسپاٹ لائٹ میں نہیں آنا چاہتیں۔ میں نے زندگی میں اپنے والدین سے یہ ہی سیکھا ہے کہ اپنے گھر کی بات گھر تک رکھو کیونکہ جب بات گھر سے باہر جائے گی تو وہ تبدیل ہوجائے گی جتنے لوگ بات کریں گے اتنی بات بڑھتی جائے گی، ہم لوگوں کا منہ بند نہیں کرسکتے اس لیے اپنا منہ بند رکھنا چاہیے۔
اداکارہ کا کہنا تھاکہ بہت سے لوگ اپنی ذاتی زندگی کو سوشل میڈیا پر شیئر کرکے اسپاٹ لائٹ میں آتے ہیں لیکن میں اس قسم کی اسپاٹ لائٹ نہیں چاہتی، میں چاہتی ہوں اگر اسپاٹ لائٹ میرے اوپر آئے تو میرے کام کی وجہ سے آئے۔