ایک نیوز: چیئر مین تحریک انصاف بیرسٹرگوہر کا کہنا ہے بانی پی ٹی آئی کا خط پی ٹی آئی کا پالیسی شفٹ نہیں ہے۔
تفصیلات کے مطابق بیرسٹر گوہر نے میڈیا سے گفتگو کے دوران کہاہے کہ بانی نے آرمی چیف کو بطور سابق وزیر اعظم خط لکھا ہے، بانی پی ٹی آئی کا خط پی ٹی آئی کا پالیسی شفٹ نہیں ہے، انہوں نے خط میں فوج اور عوام کے درمیان فاصلے کی وجوہات بیان کی ہیں ، آج میڈیا کے سامنے آجائے گا ۔
بیرسٹر گوہر کے مطابق بانی نے خط میں لکھا ہے کہ فوج اور عوام میں خلیج نہیں بڑھنا چاہئے ، افواج پاکستان بہت قربانیاں دے رہی ہے ،بانی نے سپہ سالار سے پالیسیز پر نظر ثانی کی درخواست کی ہے۔
بانی نے کہا کمرہ عدالت میں نو صحافیوں کو خط کی تفصیل بتائی ہے، فراڈ الیکشن اور چھبیسویں آئینی ترمیم وجوہات ہیں فوج اور عوام کے درمیان فاصلے کی، بانی نے کہا ہے ساری چیزوں کا نزلہ فوج پر گررہا ہے، بانی نے کہا ہے ہم انتشار نہیں چاہتے فوج ہماری ہے ، بانی نے آرمی چیف کو اوپن لیٹر لکھا ہے۔