اے این ایف کی کارروائی،10ملزمان گرفتار،13کلو منشیات برآمد

ایک نیوز: اے این ایف کا تعلیمی اداروں کے گردونواح اور ملک کے مختلف شہروں میں منشیات سمگلنگ کے خلاف کریک ڈاؤن جاری ہے، اے این ایف نے9کارروائیوں میں 10 ملزمان گرفتار کیے ۔
دوکروڑ سے زائد مالیت کی 12.636 کلو گرام منشیات برآمد ہوئی،کراچی میں یونیورسٹی کے قریب ملزم سے 500 گرام چرس برآمد، گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا۔
لاہور انٹرنیشنل ایئرپورٹ پر دو مختلف کاروائیوں میں مسقط جانے والے دو غیر ملکی باشندوں کے پیٹ سے 69 کوکین بھرے کیپسولز برآمد، کراچی میں کوریئر آفس کے ذریعے نیوزی لینڈ بھیجے جانے والے پارسل سے 570 گرام آئس برآمدہوئی۔
 لاہور میں کیولری گراونڈ مسعود انواری روڈ لاہور کے قریب گاڑی سے 2.1 کلو آئس برآمد، 2 ملزمان گرفتار، رنگ روڈ پشاور پر ملزم کے قبضے سے1کلو آئس برآمد، رنگ روڈ پشاور پر شاپنگ مال کے قریب کار سے 4 کلو ہیروئن برآمد، 2 ملزمان گرفتارکئے گئے۔
 شیر شاہ ٹول پلازہ ملتان کے قریب کار کے خفیہ خانوں میں چھپائی گئی 3.120 گرام آئس برآمد، ملزم گرفتار، ڈیفینس روڈ لاہور کے قریب غیر ملکی باشندے کے ذاتی قبضے سے 20 گرام کوکین برآمد کی۔
  گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔