ایک نیوز: یہ جو سوہنی دھرتی ہے، اس کے پیچھے وردی ہے،بارسلونا میں اوور سیز پاکستانی گلوبل فاؤنڈیشن کے وفد نےخصوصی تقریب کا انعقاد کیا،تقریب میں معروف بزنس مین اور سماجی شخصیات نے شرکت کی۔
تفصیلا ت کے مطابق تقریب میں پاکستان کے حالیہ مسائل اور ان کے حل کے لیے پاک فوج کی کاوشوں پر خصوصی بحث و مباحثہ ہوا،شرکاء نے ملکی معیشت کی بحالی کے لیے آرمی چیف کے اقدامات کو خوب سراہا،شرکاء نے پاکستان اور پاک فوج زندہ آباد کے نعرے بلند کیے،تقریب میں شرکاء نے پاکستان کی موجودہ ترقی اور استحکام کی وجہ آرمی چیف کے مثبت اور مؤثر اقدامات کو قرار دیا۔
ایس آئی ایف سی کے ذریعے پاکستان میں غیر ملکی سرمایہ کاری کے نئے مواقعوں کی فراہمی پر بھی اوور سیز پاکستانیوں نے آرمی چیف کو داد پیش کی،اوورسیز پاکستان گلوبل فاؤنڈیشن ایک غیر سیاسی اور غیر منافع بخش تنظیم ہے،اوور سیز گلوبل فاؤنڈیشن معاشرے کی بہتری اور سمندر پار پاکستانیوں کی فلاح و بہبود کے لیے کام کرتی ہے۔اپنے مادر وطن سے دور رہنے والے ہمارے پیارے ملک کے ساتھیوں کو درپیش مقامی اور بین الاقوامی مسائل کے حل کے لیے خصوصی تنظیم ہے۔اوور سیز پاکستانی گلوبل فاؤنڈیشن پوری دنیا کے مختلف ممالک میں انتہائی قابل اور سرشار نمائندوں کے نیٹ ورک کے ساتھ قائم ہے۔
اوور سیز پاکستانی کا کہنا ہے کہ میں اپنی پاک فوج اور شہداء کو سلام پیش کرتا ہوں،اوور سیز پاکستانی سیاست کا نہیں بلکہ ریاست کا اثاثہ ہوتے ہیں۔
اوور سیز پاکستانی کا مزید کہنا ہے کہ جو قومیں اپنے شہداء کو بھول جاتی ہیں ان کا نام و نشان دنیا سے مٹ جاتا ہے،یہ جو محفوظ دھرتی ہے، اس کے پیچھے وردی ہے۔