ایک نیوز: اسلام آباد ایکسپریس وے اور جہلم روڈ پر بدترین ٹریفک جام رہنے پر سی پی او اولپنڈی خالد ہمدانی نے ٹریفک پولیس کے 60 اہلکار معطل کردیئے ہیں۔
رپورٹ کے مطابق گزشتہ رات اسلام آباد ایکسپریس وے اور جہلم روڈ پر بدترین ٹریفک جام رہا جس کا سی پی او راولپنڈی خالد ہمدانی نے نوٹس لیتے ہوئے ٹریفک پولیس کے 60 اہلکار معطل کردئیے ہیں۔راولپنڈی میں ٹریفک پولیس کا لائسنسنگ دفتر بھی غیر معینہ مدت کیلئے بند کردیا گیا ہے۔
گزشتہ رات سول لائن سیکٹر میں گھنٹوں ٹریفک جام رہی تھی شہریوں کو مشکلات کا سامنا کرنا پڑا تھا۔جہلم روڑ، جی ٹی روڈ اور اسلام آباد ایکسپریس وے پر بھی گھنٹوں ٹریفک جام رہی تھی۔