سعودی عرب نے پاکستان کی امداد کا اعلان کردیا 

ایک نیوز :سعودی عرب نے مشکل وقت میں پاکستان کی امداد کا اعلان کردیا ،پاکستان میں سعودی عرب کے سفیر نواف بن سعید المالکی نے کہا کہ ہر مشکل وقت کی طرح اس مرتبہ بھی سعودی عرب پاکستان کی مدد کرے گا۔
سعودی میڈیا سے گفتگو میں سعودی سفیر نے کہاکہ پاکستان اور سعودی عرب کے مابین گہرے مراسم ہیں، سعودی عرب پاکستان کے استحکام اور خوشحالی کے لیے پر امید ہے۔ ہرمشکل وقت کی طرح اس مرتبہ بھی سعودی عرب پاکستان کی مدد کرے گا۔سعید المالکی نے کہا کہ سعودی عرب ہمیشہ کی طرح پاکستان کی مدد کرے گا اور اچھی خبر سننے کو ملے گی۔ نواف بن سعید المالکی نے کہا کہ ’مجھے پاکستان کے لیے استحکام اور خوشحالی کی امید ہے۔ انشاءاللہ ہم اچھی خبر سنیں گے۔ ہم انشاءاللہ پاکستان کی مدد کریں گے۔‘