ایک نیوز نیوز: قومی کرکٹ ٹیم کے مڈل آرڈر بیٹر حیدر علی کی طبیعت اب بہتر ہے اور انہیں اسپتال سے ڈسچارج کر دیا گیا ہے۔
ترجمان پاکستان کرکٹ بورڈ کے مطابق حیدر علی اب پہلے سے بہتر محسوس کر رہے ہیں اور اسپتال سے ڈسچارج ہونے کے بعد ٹیم ہوٹل پہنچ گئے ہیں۔
واضح رہے کہ آج پاک انگلینڈ کانٹے دار میچ ہونے جارہا ہے۔پاکستانی اسکواڈ میں محمد رضوان ،حارث رؤف اور حسنین کی واپسی ہو گی جبکہ حیدر علی کی جگہ ایک دفعہ پھر خوشدل شاہ کو کھیلائے جانے کا امکان ہے۔
یاد رہے کہ انگلینڈ کیخلاف چھٹے ٹی ٹوئنٹی میچ کے بعد نوجوان بیٹر حیدر علی کی طبیعت خراب ہوگئی تھی جس کے بعد انہیں اسپتال منتقل کیا گیا۔
پی سی بی کی جانب سے جاری بیان کے مطابق نوجوان بیٹر حیدر علی کو طبیعت کی ناسازی کے باعث اسپتال لے جایا گیا جہاں ان کا مکمل چیک اپ کیا جائے گا۔
پاکستان اور انگلینڈ کے درمیان سات ٹی ٹوئنٹی میچز کی سیریز 3-3 سے برابر ہے اور فائنل آج شام کھیلا جائے گا۔