ہانگ کانگ سُپر سکسز:پاکستان جنوبی افریقہ کو ہرا کر سیمی فائنل میں پہنچ گیا

ویب ڈیسک: ہانگ کانگ سُپر سکسز ایونٹ میں پاکستان نے جنوبی افریقہ کو ہرا کر سیمی فائنل کیلئے کوالیفائی کر لیا، پاکستان نے کوارٹر فائنل میں جنوبی افریقا کو17رنز سے شکست دی۔
قومی ٹیم نے 6اوورز میں 3 وکٹ پر105رنز بنائے تھے اور جنوبی افریقا کو جیت کے لیے 106 رنز کا ہدف دیا تھا، پاکستان کیجانب سے محمد اخلاق نے 16 گیندوں پر 53، حسین طلعت نے 11 گیندوں پر 27 رنز بنائے۔
ہدف کے تعاقب میں جنوبی افریقا کی ٹیم 4 وکٹ پر 88 رنز بنا سکی، پاکستان کے حسین طلعت نے 2 کھلاڑیوں کو آؤٹ کیا، ہانگ کانگ سپر سکسز کے سیمی فائنل اور فائنل کل کھیلے جائیں گے۔
دوسری جانب ہانگ کانگ ورلڈ سپر سکسز ٹورنامنٹ میں مسلسل تین میچ ہار کر بھارتی ٹیم ایونٹ سے باہر ہو گئی۔
متحدہ عرب امارات نے بھارت کو سنسنی خیز مقابلے میںایک رن سے شکست دے کر ٹورنامنٹ سے باہر کر دیا، ہانگ کانگ سُپر6میں یو اے ای نے پہلے بیٹنگ کرتے ہوئے 130 رنز بنائے تھے اور بھارت کو جیت کے لیے 131 رنز کا ہدف دیا تھا۔