ایک نیوز: غیر قانونی طور پر مقیم افغان شہریوں کی وطن واپسی سے متعلق نگراں وزیر داخلہ سرفراز بگٹی سے افغان ناظم الامور کی ملاقات ہوئی ہے۔
تفصیلات کے مطابق دونوں کے درمیان ملاقات میں دوطرفہ امور اور افغان شہریوں کی وطن واپسی کے حوالے سے گفتگو کی گئی۔
اس موقع پر سرفراز بگٹی کا کہنا تھا کہ پاکستان میں غیرقانونی طورپرمقیم غیر ملکیوں کی واپسی کا سلسلہ جاری ہے، کراسنگ پوائنٹس پر سہولت کے لئے خواتین اور بچوں کو بائیو میٹرک سے استثنیٰ ہوگا۔
نگراں وزیر داخلہ نے کہا کہ پروف اور افغان سٹیشن کارڈ کے حامل افراد کے خلاف کوئی کارروائی نہیں لائی جا رہی جب کہ وزارت داخلہ میں اس ضمن میں کنٹرول سینٹر اور ہیلپ لائن بھی قائم کردی گئی ہے۔
سرفراز بگٹی نے حکام کو ہدایت دیتے ہوئے کہا کہ وطن واپس جانے والوں کے ساتھ انتہائی عزت و احترام کے ساتھ پیش آیا جائے، کسی کوتاہی اور بدتمیزی کو ہر گز برداشت نہیں کیا جائے گا۔