ایک نیوز:ایف آئی اےنے کارروائی کرتے ہوئے انسانی سمگلنگ میں ملوث انتہائی مطلوب 4 ملزمان کو گرفتار کر لیا ۔
انسانی سمگلنگ میں ملوث ریڈ بک کے انتہائی مطلوب انسانی سمگلر سمیت 4 ملزمان گرفتار ، ملزمان کی شناخت راحیل پرویز، محمد عمر ،یمام ندیم اور روحان محمود کے نام سے ہوئی ،گرفتار ملزمان سادہ لوح شہریوں سے ویزا فراڈ کرنے میں ملوث پائےگئے ، ملزمان کو ماڈل ٹائون، رحمان گارڈن اور شمع سنٹر لاہور سے گرفتار کیا گیا۔
گرفتار ملزم راحیل پرویز ریڈ بک کا مطلوب انسانی سمگلر ہے ،ملزم سال 2019 سے اینٹی ہیومن ٹریفکنگ سرکل لاہور کو مطلوب تھا ،ملزم نے شہریوں کو کینیڈا بھجوانے کی غرض سے 90 لاکھ روپے بٹورے دیگر ملزمان غیر قانونی ٹریول ایجنسی چلا رہے تھے۔
ملزمان شہریوں کو بیرون ممالک ملازمت کاجھانسہ دے کر لاکھوں روپے بٹورتے تھے، ملزمان بغیر لائسنس شہریوں سے پاسپورٹ وصول کر رہے تھے، ملزمان بھاری رقوم وصول کر کے ویزا فراڈ کرتے تھے، چھاپوں کے دوران ملزمان سے 12 پاکستانی پاسپورٹس، تعلیمی دستاویزات اور موبائل سمز برآمد ہوئیں۔
ملزمان بھاری رقوم وصول کرنے کے بعد روپوش ہو جاتے تھے، ملزمان برآمد ہونے والے پاسپورٹس کے حوالے سے حکام کو مطمئن نہ کر سکے، ملزمان کو گرفتار کر کے تفتیش کا آغاز کر دیا گیا ہے، انسانی سمگلنگ میں ملوث عناصر کے خلاف کریک ڈاون جاری ہے۔
ڈائریکٹر ایف آئی اے کا کہنا ہے کہ انسانی سمگلنگ کے نیٹ ورک کے خلاف کارروائیاں مزید تیز کر دی گئی ہیں, انسانی سمگلنگ کے خلاف زیرو ٹالرنس پالیسی پر عمل جاری ہے، گرفتار انسانی سمگلروں کو قانون کے مطابق سخت سزائیں دلوائی جائیں گی، بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے گا۔
کیپشن: FIA operation, 4 accused involved in human trafficking arrested