وزیراعلیٰ پنجاب کا صوبہ میں مہنگائی کے سدباب کیلئےکریک ڈائون کا حکم

ایک نیوز:وزیراعلیٰ پنجاب مریم نواز نے صوبہ بھر میں مہنگائی کے سدباب کے لئے موثر اور جامع کریک ڈاؤن کا حکم دے دیا۔
 مریم نوازنےتمام کمشنرز اور ڈپٹی کمشنرز کو گراں فروشی کے خلاف موثر مہم چلانے کی ہدایت کر دی، مریم نوازنےسرکاری ریٹ لسٹ نمایاں آویزاں کرنے کا حکم بھی دیا، ضروری اشیائے خورد ونوش کی طلب ورسد کے امور کی کڑی مانیٹرنگ اور ذخیرہ اندوزی روکنے کے لئے کارروائی کی ہدایت کی۔
وزیراعلی ٰ نے چیف سیکرٹری پنجاب کو گراں فروشی اور ذخیرہ اندوزی کے خلاف مہم کی ذاتی نگرانی کا حکم دیا اورڈیلی جامع رپورٹ پیش کرنے کا کہا، اشیائے خوردو نوش کے نرح او رمعیار کو ہر صورت یقینی بنانے کاحکم بھی دیا۔
وزیراعلیٰ مریم نوازنے کہا کہ رمضا ن المبارک میں پھلوں او رسبزیوں کی فراہمی اور نرح کی کڑی مانیٹرنگ کی جائے گی ، پھلوں او رسبزیوں کے نرخ بڑھانے والو ں کے خلاف موثر قانونی کارروائی کی جائے ،رمضان المبارک رحمتوں اور برکتوں کا مہینہ ہے، تاجر برادری غریب عوام کا احساس کریں۔
مریم نوازکا کہنا تھا کہ پوری دنیا میں رمضان المبارک کے دوران اشیاء کے نرخ کم کئے جاتے ہیں، ہمیں بھی رضا کارانہ طورپر نرخ کرنے چاہیے، صوبہ بھر میں سہولت بازاروں میں مارکیٹ سے کم نرخ پر معیاری اشیاء کی فراہمی یقینی بنائی جائے،ڈیش بورڈ پر روزانہ بار بار اشیاء خورد ونوش کے نرخ خود چیک کررہی ہوں رمضان المبارک کے دوران گراں فروشی اور ذخیرہ اندوزی کے معاملے میں بلا امتیاز کارروائی کی جائے۔