ایک نیوز: کرسیٹانو رونالڈو کا کہنا ہے کہ سعودی عرب میں خوش ہوں اور امید کرتا ہوں کہ دوسرے بڑے نام بھی اگلے ایونٹ میں ٹیموں کو جوائن کریں گے۔
رپورٹس کے مطابق رونالڈو نے سعودی کلب النصر نے جنوری میں 2 سالہ معاہدہ کیا تھا، انہوں نے پرو لیگ کے دوران 16 میچز میں 14 گولز اسکور کیے لیکن ٹائٹل جیتنے سے محروم رہے، لیگ میں انکی ٹیم دوسری پوزیشن پر رہی تھی۔
رونالڈونے کہا کہ سعودی لیگ میں بہت اچھی ٹیمیں ہیں، میں یہاں خوش ہوں اور کھیل جاری رکھنا چاہتا ہوں۔ کلب میں رہ کر سعودی کلچر میں خود کو ڈھال لیا ہے۔ یورپ میں ہم صبح شام ٹریننگ کرتے تھے لیکن رمضان میں یہاں ٹریننگ 10 بجے شروع ہوتی تھی جو میرے لیے عجیب تھا۔
کرسٹیانو رونالڈو کی سعودی عرب آمد کے بعد فٹبال کے کئی سرکردہ ناموں نے سعودی لیگ میں دلچسپی دکھائی ہے جس میں لیونل میسی اور کریم بننزیما جیسے بڑے نام شامل ہیں۔میسی کو النصر کی مخالف ٹیم الہلال نے اپنی ٹیم میں شامل ہونے کیلئے خطیر رقم دینے کا بھی اعلان کیا تھا لیکن ابھی واضح نہیں کہ وہ معاہدے پر دستخط کرتے ہیں یا نہیں