ایک نیوز: وفاقی وزیر منصوبہ بندی احسن اقبال نے کہاہے کہ آئی ایم ایف معاہدے سے معیشت بہتر ہو گی، اس معاہدے کیلئے وزیراعظم کی کوششیں انتہائی اہم ہیں۔
وفاقی وزیر منصوبہ بندی احسن اقبال نے میڈیا سے گفتگو کرتے ہوئے کہاکہ تحریک انصاف کی صفوں میں ماتم بچھی ہوئی ہے،مہم چلائی گئی کہ کسی طرح آئی ایم ایف پروگرام کو روک سکیں، پی ٹی آئی نے آئی ایم ایف معاہدے کو سبوتاژ کرنے کیلئے پوری کوشش کی،پاکستان میں کسی نے آج تک ریاست مخالف سرگرمیاں نہیں کی تھیں، پاکستان تحریک انصاف ملک دشمن سرگرمیوں میں حد سے گزر چکی۔
احسن اقبال نے کہاکہ پاکستان کے مسائل کوئی اور نہیں صرف ہم ہی حل کر سکتے ہیں،برآمدات بڑھا کر معاشی استحکام حاصل کیا جاسکتا ہے۔پاکستان کو 9 بڑے چیلنجز ہیں جن پر توجہ دینے کی ضرورت ہے، سب سے بڑا چیلنج ملک کی برآمدات میں اضافہ کرنا ہے ، ٹیکس چوری کی نشاندہی ہر اس فرد کی ذمہ داری ہے جو ٹیکس ادا کرتا ہے، ٹیکس چوری کی نشاندہی نہ کی تو ٹیکس دینے والوں پر ہی مزید بوجھ پڑے گا،ہمیں اپنے نظام عدل کو مضبوط کرنا ہے، ہمارے ہاں رات ایک بجے تک تجارتی مراکز کھلے ہوتے ہیں۔