ایک نیوز: لکی مروت میں نورنگ کے علاقے نالی چک کرم میں موٹرسائیکل سواروں کی فائرنگ سے کالعدم ٹی ٹی پی سے تعلق رکھنے والا اورنگزیب عرف امیری مارا گیا۔
تفصیلات کے مطابق نورنگ میں موٹرسائیکل سواروں نے کالعدم ٹی ٹی پی سے تعلق رکھنے والے اورنگزیب عرف امیری پر فائرنگ کردی جس سے وہ ہلاک ہوگیا، فائرنگ کا واقعہ نالی چک کرم کے علاقے میں پیش آیا۔
پولیس ذرائع کا کہنا ہے کہ فائرنگ سے 2 افراد زخمی بھی ہوئے ہیں، جنھیں اسپتال منتقل کر دیا گیا ہے۔ واقعے میں جو شخص جاں بحق ہوا ہے اس کی شناخت اورنگزیب عرف امیری کے نام سے ہوئی ہے۔
بتایا جاتا ہے کہ اورنگزیب کالعدم ٹی ٹی پی کا رکن تھا جب کہ اس کی ہلاکت کی وجہ اب تک معلوم نہیں ہو سکی ہے۔