اس بلا کو چھوڑدیں اپنی زندگی گزاریں، موبائل فون کے موجد نے بھی توبہ کرلی

اس بلا کو چھوڑدیں اپنی زندگی گزاریں، موبائل فون کے موجد نے بھی توبہ کرلی
ایک نیوز نیوز: موبائل فون کے منفی استعمال کے حوالے سے بحث، انسانی رابطوں کی دنیا میں انقلاب برپا کرنے والے اس آلے کا موجد بھی اس کے بے جا استعمال سے تنگ آگیا ہے۔

امریکی اخبار ’نیویارک پوسٹ‘ کے مطابق دُنیا کے پہلے موبائل فون کے موجد نے صارفین کی جانب سے فون پر وقت ضائع کرنے پر حیرت کا اظہار کیا ہے۔ اور کہا ہے کہ وہ اپنے موبائل فون کا زیادہ استعمال نہ کریں اور مشورہ دیا کہ وہ سادہ اور فون کے بغیر والی زندگی سے لطف اندوز ہوں۔ فون پر وقت ضائع کرنے کے بجائے اپنے وقت اور زندگی کا بہتر استعمال کریں۔
92 سالہ مارٹن کوپر نے بی بی سی بریک فاسٹ کے ساتھ ایک انٹرویو میں شریک ایک خاتون نے تبصرہ کرتے ہوئے کہا کہ وہ اپنے فون پر دن میں پانچ گھنٹے سے زیادہ وقت گزارتی ہیں۔ کوپر نے ہنستے ہوئے پوچھا کہ کیا آپ واقعی دن میں پانچ گھنٹے فون پر گزارتی ہیں؟
1973 میں کوپر نے دنیا کا پہلا موبائل فون Motorola DynaTAC 8000X ایجاد کیا۔ وہ بیس سال سے زیادہ عرصے سے Motorola کے لیے کام کر رہے تھے۔ کار فونز کی بڑھتی ہوئی مقبولیت سے مایوس تھے، جس کے لیے کچھ لوگوں کو فون استعمال کرنے کیلئے گاڑی میں بہت زیادہ وقت گزارنا پڑتا تھا۔
کوپر نے سی بی ایس کے ذریعے نشر کیے گئے ایک انٹرویو میں مزید کہا کہ اس کے بعد انہیں ایک ایسا موبائل فون بنانے کا خیال آیا جسے گاڑی کے اندر یا باہر اور کہیں بھی استعمال کیا جا سکے جب وہ باہر ہوں اور کام انجام دیں۔
کوپر نے مزید بتایا کہ اس سے پہلے کہ اس نے موبائل فون کے میکانکس پر توجہ مرکوز کی اس نے تصور کیا کہ ڈیوائس کیسی ہوگی؟ میں چاہتا تھا کہ یہ جیب میں فٹ ہونے کیلئے اتنا چھوٹا ہو لیکن ساتھ ہی اس کا سائز اس کی اجازت دے کہ آپ سننے کیلئے اسے کان میں لگائیں اور منہ سے بولیں تاکہ دوسری طرف موجود شخص سن سکے۔
کوپر فخر کرتا ہے کہ اس کی سب سے بڑی کامیابی یہ ہے کہ ہر ایک کا اپنا فون نمبر ہے، اس وقت تک فون نمبر گھر، کار یا دفتر جیسی جگہوں سے منسلک تھے۔
Motorola نے بعد میں کوپر کے پروجیکٹ میں کروڑوں کی رقم ڈالی اور کوپر اور اس کی ٹیم کو فون بنانے میں صرف تین ماہ لگے۔ کیونکہ انہوں نے اسی طرح کی ٹیکنالوجی کا استعمال کیا جس طرح پولیس کے مواصلاتی آلات پہلے بنائے گئے تھے۔
مکمل ہونے کے بعد، ڈیوائس کا نام Motorola DynaTAC 8000X رکھا گیا۔ اس کا وزن 910 گرام اور لمبائی 25 سینٹی میٹر تھی جبکہ بیٹری صرف 25 منٹ تک چلتی تھی۔ اسے ری چارج ہونے میں 10 گھنٹے لگتے تھے۔
3 اپریل 1973 کو کوپر نے موبائل ڈیوائس کا استعمال کرتے ہوئے اپنی پہلی بار فون کال کی۔ انہوں نے یہ کال اپنے حریف جوئل اینجل کو جو AT&T میں بطور پرنسپل انجینئر کام کر رہے تھے۔ اس کے بعد کوپر کے موبائل فون سے کال اس وقت کی گئی جب وہ مڈ ٹاؤن مین ہٹن میں صحافیوں کے ہجوم کے سامنے کھڑے تھے۔
اگرچہ پہلا موبائل فون 90 دن سے زیادہ کی مدت میں تیار کیا گیا تھا لیکن اسے مارکیٹ میں لانے میں دس سال کا عرصہ لگا۔ موبائل فون پہلی بار عام لوگوں کے لیے دستیاب ہوا تو اس وقت ایک فون سیٹ کی قیمت 1983 میں 3,995 ڈالر تھی۔
2,028 امریکیوں کے 2021 کے اسٹیٹسٹا سروے سے پتا چلا ہے کہ 46 فی صد صارف اپنے فون پر دن میں پانچ سے چھ گھنٹے گزارتے ہیں جبکہ 11 فی صد نے اپنے موبائل آلات پر سات یا اس سے زیادہ گھنٹے گزارتے ہیں۔

شیئر کریں:

JAWAD MALIK