ویب ڈیسک:ن لیگ کی چیف آرگنائزرمریم نوازنے نوازشریف کی ننھی مداح سے ملاقات کی ویڈیو شیئرکردی ۔
???????????? pic.twitter.com/T2UBT3sdPj
— Maryam Nawaz Sharif (@MaryamNSharif) December 31, 2023
مائیکرو بلاگنگ سائٹ ایکس پر مریم نوازنے 16 سیکنڈ پرمشتمل ویڈیو کلپ شیئرکیا جس میں ایک مداح کو مسلم لیگ (ن) کے سربراہ میاں نواز شریف سے ملاقات کرتے اور اپنی والہانہ محبت کا اظہار کرتے دیکھا جاسکتا ہے۔
جاری کردہ کلپ میں مریم نواز اپنے والد اور پارٹی کے دیگر اراکین کے ہمراہ نظر آرہی تھیں کہ مداح نے اپنے پسندیدہ لیڈر کو دیکھ اپنے دل کا حال سنا دیا۔
جینز جیکٹ اور مفلر پہنے بچی نے نواز شریف کو مْخاطب کرتے ہوئے کہا کہ،’میں اپنی والدہ کے ہمراہ صبح نو بجے سے آپکا انتظارکر رہی ہوں مجھے آپکو شعر سنانا ہے’۔
یہ سننے کی دیر تھی چہرے پر ماسک لگائے نواز شریف نے اپنی ننھی مداح کی خواہش پر اسکے چہرے پر شفقت سے ہاتھ پھیرا اور شعر سنانے کو کہا۔
مداح نے اپنے جذبات کو ان الفاظ میں بیان کیا کہ ’پھول ہیں گلاب جیسے لگتے ہیں، ذرا مسکرا کر تو دیکھ لاجواب لگتے ہیں۔’
ان جملوں کے اختتام پر نواز شریف اور مریم سمیت دیگر افرادبھی قہقہہ لگانے پر مجبور ہوگئے۔
خوبصورت ویڈیو کلپ شیئر کرتے ہوئے مریم نواز نے دل والی آنکھوں کے ساتھ ہنسنے والے اموجی شامل کیے۔