پاکستان مخالف بھارتی فلم’فائٹر‘کوناکامی کاسامنا

ویب ڈیسک:ہریتھک اوردیپیکاکی پاکستان مخالف فلم’ فائٹر‘کوناکامی کاسامناہے۔
تفصیلات کےمطابق بالی ووڈفلم’ فائٹر‘25جنوری کوریلیزہوئی جس نےآغازمیں اچھابزنس کیابلکہ بھارت میں ہالی ووڈفلموں کوبھی پچھاڑدیا۔
شاندار آغاز کے باوجود بھی ہریتھک روشن اور دیپیکا پڈوکون کی فلم’ فائٹر‘باکس آفس پر زیادہ دن تک حکمرانی نہیں کرسکی اور بھارتی میڈیا نے فلم کو ریلیز کے پانچویں دن فلاپ قرار دے دیا۔
بھارتی میڈیا کے مطابق فلم’ فائٹر‘ ریلیز کے چوتھے دن 200 کروڑ کے کلب میں داخل ہوگئی تھی جبکہ پانچویں دن فلم کے بزنس میں 70 سے 80 فیصد کمی ریکارڈ کی گئی جس کے بعد پاکستان مخالف فلم کو فلاپ قرار دے دیا گیا۔
فلمی تجزیہ کاروں کے مطابق حب الوطنی کا تڑکا اور پاکستان مخالف مواد ہونے کے باوجود بھی فلم ’ فائٹر‘ شائقین کی بڑی تعداد کو اپنی طرف نہیں کھینچ سکی۔
فلم میں ہریتھک روشن اور دیپیکا پڈوکون نے انڈین فضائیہ کے اسکواڈرن لیڈر کا کردار ادا کیا ہے جبکہ انیل کپور کمانڈنگ آفیسر کے روپ میں نظر آئے۔
یش راج پروڈکشن کے تحت ایکشن فلم کو بلاک بسٹر ’پٹھان‘ کے ڈائریکٹر سدھارتھ آنند نے بنایا ہے اور اسے بھارت کے 75 ویں یوم جمہوریہ کے موقع پر 25 جنوری کو ریلیز کیا گیا۔