ایک نیوز نیوز: سابق وزیراعظم اور چیئرمین پاکستان تحریک انصاف (پی ٹی آئی) عمران خان اپنے کھلاڑی کے حق میں خود میدان میں اتر آئے ہیں۔
تفصیلات کے مطابق عمران خان نے سماجی رابطوں کی ویب سائٹ ٹوئٹر پر ایک ٹوئٹ میں کہا ہے کہ اعظم سواتی کے ساتھ اپنایا جانے والا انتقامی انداز قابل مذمت ہے۔ کوئٹہ پولیس ان کی جان خطرے میں ڈالتے ہوئے لے گئی۔
اپنی ٹویٹ میں عمران خان نے کہا کہ اعظم سواتی کو صبح سویرے سینے میں درد اور سانس کی تکلیف کے باعث پمز لے جایا گیا لیکن جب ٹیسٹ کے نتائج کا انتظار کیا جارہا تھا تو کوئٹہ پولیس ان کی جان کو خطرے میں ڈالتے ہوئے ڈسچارج کروا کرلے گئی۔
ان کا کہنا تھا کہ پوری مہذب دنیا میں تنقید کرنا ایک آدمی کا جمہوری حق سمجھا جاتا ہے، افسوس ہے کہ ہمارا نظام انصاف اعظم سواتی کے بنیادی انسانی حقوق کے خلاف بار بار خلاف ورزیوں کو روکنے کیلئے تیار نہیں۔ عمران خان نے مطالبہ کیا کہ اعظم سواتی کو فوری طور پر رہا کیا جائے۔