ایک نیوز نیوز: پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نے روجھان کے سیلاب سے متاثرہ علاقوں کا دورہ کیا ہے۔ آئی ایس پی آر نے مزید بتایا ہے کہ آرمی چیف فلڈ ریلیف کیمپ گئے، جہاں انہوں نے سیلاب متاثرین سے ملاقات کی۔
یاد رہے کہ اس سے قبل آرمی چیف بلوچستان اور سندھ کے سیلاب زدہ علاقوں کا دورہ کرچکے ہیں۔ جہاں انہوں نے امدادی سرگرمیوں کا جائزہ لیا اور پاک فوج کے جوانوں کو امدادی سرگرمیوں میں کوئی کسر اٹھا نہ رکھنے کی ہدایت جاری کی۔ انہوں نے کہا کہ سیلاب زدگان بہن بھائیوں کو کسی صورت تنہا نہیں چھوڑیں گے۔