ایشین گیمزہاکی:بھارت نےپاکستان کوشکست دےدی

ایک نیوز:ایشین گیمزکےہاکی ٹورنامنٹ میں بھارت نےپاکستان کو2کےمقابلےمیں10گول سےشکست دےکرسیمی فائنل میں جگہ بنالی۔
تفصیلات کےمطابق چین کے شہر ہانگ زو میں جاری 19ویں ایشین گیمز میں پاکستان کوروایتی حریف بھارت سےہاکی کےمیچ میں بری طرح شکست ہوئی،بھارتی ہاکی ٹیم نےبہترکھیل کامظاہرہ کرتےہوئےپاکستان کو2کےمقابلےمیں10گول سےہرادیا۔
بھارت کی جانب سےکپتان ہرمن پریت سنگھ نے ہیٹ ٹرک اسکور کرتے ہوئے 4 گول کیے۔
 ورون کمار نے دو جب کہ شمشیر، لالیت کمار، سومیتھ اور مندیپ سنگھ نے ایک ایک گول کیا۔
جبکہ پاکستان کی جانب سے رانا وحید اور صفیان خان نے ایک ایک گول کیا۔
بھارت نے پہلی مرتبہ پاکستان کےخلاف 10گول کیے ہیں، پاکستان کےخلاف بھارت کی یہ سب سے بڑی فتح ہے۔
واضح رہےکہ پاکستان اور جاپان کے درمیان میچ کوارٹرفائنل کی صورت اختیار کرگیا ہے، پاکستان جاپان کے خلاف میچ برابر کرکے بھی سیمی فائنل کیلئےکوالیفائی کرسکتا ہے جب کہ جاپان کو سیمی فائنل کیلئے جیت لازمی درکار ہے۔
پاکستان اور جاپان کے درمیان میچ دو اکتوبر کو کھیلا جائےگا۔