ایک نیوز نیوز: پاکستانی سپر اسٹار اور ماڈل فواد خان کے سوشل میڈیا کو مضر قرار دیتے ہوئے کہا ہے کہ وہ سوشل میڈیا سے زیادہ واقف نہیں حتی کہ ان کا ٹوئٹر اکاؤنٹ اور انسٹا گرام اکاؤنٹ بھی ان کے بھارتی دوستوں نے بنائے تھے۔
میڈیا سے گفتگو میں فواد خان نے انکشاف کیا کہ ان کا ٹوئٹر اکاؤنٹ فلم ’خوبصورت‘ کے زمانے میں سونم کپور نے بنایا تھا، جبکہ فلم ’’کپور اینڈ سنز ‘‘کے زمانے میں سدھارتھ ملہوترا نے انسٹاگرام اکاؤنٹ بنایا تھا۔
سوشل میڈیا سے دوری کی وجہ بتاتے ہوئے ان کا کہنا تھا کہ سوشل میڈیا کے بارے میں وہ زیادہ جانتے ہی نہیں ہیں، کیونکہ ان کا خیال ہے کہ چند حروف کی قید کی وجہ سے بات مکمل ہو نہیں سکتی، لوگوں کو بات سمجھانے کے لیے کچھ جگہ اور وقت چاہیے ہوتا ہے۔
فواد خان کا کہنا تھا کہ ’انٹرنیٹ کے فائدے اور نقصان دونوں ہیں مگر سوشل میڈیا کے نقصانات زیادہ محسوس کیے ہیں۔