ایک نیوز:بالی وڈاداکارہ پریتی زنٹانے ایک ہی دن میں120آلووالے پراٹھے بنانے کاانکشاف کردیا۔
تفصیلات کےمطابق معروف بھارتی اداکارہ پریتی زنٹا بالی ووڈ فلموں میں اداکاری کے ساتھ ساتھ کرکٹ میں غیر معمولی دلچسپی رکھتی ہیں، پریتی زنٹا انڈین پریمئر لیگ (آئی پی ایل) کی فرنچائز کنگز الیون پنجاب کی مالک ہیں جن کا شمار آئی پی ایل فرنچائز کے متحرک مالکان میں ہوتا ہے۔
حال ہی میں اپنے ایک انٹرویو کے دوران اداکارہ نے انکشاف کیا کہ سال 2009ء میں ہم ساؤتھ افریقا میں موجود تھے جہاں میں نے ٹیم کے کچن سٹاف کو آلو کے پراٹھے بنانا سکھائے کیونکہ وہاں کسی کو اچھے پراٹھے بنانا نہیں آتے تھے۔
اداکارہ کاکہناتھاکہ مجھے پراٹھے بناتا دیکھ کر کھلاڑیوں نے فرمائش کی کہ میں ان کیلئے بھی پراٹھے بناؤں جس پر میں نے وعدہ کیا کہ اگر ٹیم اگلا میچ جیت جاتی ہے تو سب کواپنے ہاتھ سے آلو کے پراٹھے بنا کر کھلاؤں گی، پھر ٹیم اگلا میچ جیت گئی اور مجھے120 آلو کے پراٹھے بنانے پڑے۔
پریتی زنٹاکامزیدکہناتھاکہ مجھے اس دن احساس ہوا کہ یہ لڑکے کتنا کھاتے ہیں جس پر شو میں موجود سابق انڈین کرکٹر ہربھجن سنگھ نے کہا کہ اس دن20 پراٹھے تو اکیلا عرفان پٹھان ہی کھا گیا تھا۔
کیپشن: Preeti Zintaka 120 paratha making discovery