ایک نیوز: پاکستان کرکٹ بورڈ کی جانب سے بارش سے متاثرہ میچز کے ٹکٹس کی رقم کی واپسی کا اعلان کیا گیا ہے۔
تفصیلات کے مطابق آئی سی سی چیمپئنز ٹرافی کے راولپنڈی کرکٹ سٹیڈیم میں دو میچز بغیرگیند کرائے ختم ہوگئے تھے ،آئی سی سی چیمپئنز ٹرافی 2025 کے لیے پی سی بی ٹکٹ کی واپسی کی پالیسی کے مطابق ٹکٹ ہولڈر مکمل رقم کی واپسی کے اہل ہیں ،اگرمیچ ٹاس سے پہلے ہی ختم کردیا گیا ہو، تمام انکلوژر کے ٹکٹ واپس کر دیئے جائیں گے۔
پی سی بی کے مطابق ہاسپٹلیٹی باکسز کے ٹکٹ (باکس اور پی سی بی گیلری) کے ٹکٹ ہولڈرز رقم کی واپسی کے اہل نہیں ہوں گے ،اہل ٹکٹ ہولڈرز پیر 10 مارچ 2025 سے جمعہ 14 مارچ 2025 کے درمیان منتخب ٹی سی ایس آؤٹ لیٹس پر اپنی رقم کی واپسی کا دعویٰ کر سکتے ہیں ،خریداری کے ثبوت کے طور پر اصل اور بغیر نقصان زدہ ٹکٹ پیش کریں۔
پی سی بی کا کہنا ہے کہ خریدار کو رقم کی واپسی کا دعوی کرنے کے لیے ذاتی طور پر ٹی سی ایس آؤٹ لیٹ جانا ہوگا ،اس کی طرف سے کوئی اور رقم کی واپسی کا دعوی نہیں کرسکتا۔