ایک نیوز: پاکستان سپر لیگ کے 10ویں ایڈیشن کے شیڈول کا اعلان کر دیا گیا۔
پی سی بی کیجانب سے جاری کردہ شیڈول کے مطابق پاکستان سپر لیگ کے 10ویں ایڈیشن کا آغاز 11 اپریل 2025سے ہو گا،ابتدائی میچ دفاعی چیمپئن اسلام آباد یونائیٹڈ اور لاہور قلندرز کے درمیان ہو گا۔
6ٹیموں کے ٹورنامنٹ میں11اپریل سے18مئی تک34میچز کھیلے جائیں گے جس میں لاہور کا قذافی سٹیڈیم 13 میچوں کی میزبانی کرے گا جن میں2ایلیمنیٹرز اور فائنل شامل ہیں۔
دسویں ایڈیشن میں ایک نمائشی میچ بھی ہو گا جو8اپریل کو پشاور میں کھیلا جائے گا، میچ کی دونوں ٹیمیں مناسب وقت پر کنفرم کر دی جائیں گی،پی ایس ایل10کیلئے راولپنڈی کرکٹ سٹیڈیم 13 مئی کو کوالیفائر ون سمیت 11 میچوں کی میزبانی کرے گا۔
کراچی کا نیشنل بینک سٹیڈیم اور ملتان کرکٹ سٹیڈیم 5، 5 میچوں کی میزبانی کریں گے،ایونٹ میں 3ڈبل ہیڈرز بھی ہوں گے جس میں 2میچ ویک اینڈ اور ایک قومی تعطیل یوم مئی پر ہو گا، کراچی کنگز پانچویں ایڈیشن کی فاتح ہے،12اپریل کو گزشتہ ایڈیشن کی رنر اپ ملتان سلطانز کے خلاف اپنی مہم کا آغاز کراچی میں کرے گی۔
ملتان سلطانز چھٹے ایڈیشن کی فاتح ٹیم ہے اس کا مقابلہ 22 اپریل کو لاہور قلندرز سے ہو گا، ملتان کرکٹ سٹیڈیم میں یہ پی ایس ایل10کا پہلا میچ ہو گا، پی ایس ایل 2017 کی چیمپئن پشاور زلمی اپنے5میچ راولپنڈی کرکٹ سٹیڈیم میں کھیلے گی جبکہ چوتھے ایڈیشن کی فاتح ٹیم کوئٹہ گلیڈی ایٹرز قذافی سٹیڈیم میں 5 میچ کھیلے گی۔
کیپشن: The PSL 10 schedule has been announced