ایک نیوز :چیئر مین پیپلزپارٹی بلاول بھٹو نے کہا کہ یہ بہت پازیٹو حکومت ہوگی ۔
تفصیلات کے مطابق ایک نیوز نے بلاول بھٹو سے سوال کیا کہ بہت کمزور حکومت بن رہی ہے کیا کہیں گے ؟ جس کے جواب میں بلاول بھٹو نے کہا کہ بہت پازیٹو حکومت ہوگی۔قبل ازیں آصف علی زرداری اور بلاول بھٹو زرداری اسپیکر کے انتخاب کیلئے ووٹ کاسٹ کرنے کیلئے قومی اسمبلی پہنچے ۔انہوں نے اپنا ووٹ کاسٹ کیا ۔
واضح رہے کہ آج قومی اسمبلی اجلاس کا دوسرا روز تھاجس میں اسپیکر قومی اسمبلی کا انتخاب عمل میں لایا گیا ،سردار ایازصادق سپیکرقومی اسمبلی منتخب ہوگئے۔راجہ پرویز اشرف نے پولنگ کے بعد ووٹنگ کی گنتی کا عمل مکمل ہونے کے بعداعلان کیاکہ سردار ایاز صادق 199 ووٹ لیکر اسپیکر منتخب ہوئے جبکہ ان کے مد مقابل سنی اتحاد کونسل کے امیدوار ملک محمد عامر ڈوگر نے 91 ووٹ حاصل کیے۔
اسپیکر منتخب ہونے کے بعد ایاز صادق ملک عامر ڈوگر کی نشست پر گئے اور ان کے ساتھ مصافحہ کیا، ایاز صادق نے حامد رضا اور عمر ایوب خان سے بھی مصافحہ کیا جبکہ یوسف رضا گیلانی نے پرجوش طریقے سے گلے لگاکر ایازصادق کو مبارکباد دی۔