ایک نیوز: پاکستان ویمنز کرکٹ ٹیم کی کپتان بسمہ معروف نے قومی ٹیم کی قیادت سے استعفیٰ دے دیا جو کہ پاکستان کرکٹ بورڈ ( پی سی بی ) کی مینجمنٹ کمیٹی کے چیئرمین نجم سیٹھی کی جانب سے قبول کرلیا گیا ہے۔
سماجی رابطے کی ویب سائٹ ٹوئٹر پر اپنے ایک بیان میں پی سی بی مینجمنٹ کمیٹی کے چیئرمین نے بتایا کہ میں نے پاکستان خواتین کرکٹ ٹیم کی کپتان بسمہ معروف کا استعفیٰ منظور کر لیا ہے، بسمہ نوجوان کھلاڑیوں کے لئے موقع دینا چاہتی ہیں۔
نجم سیٹھی کا کہنا تھا کہ خوشی کی بات ہے کہ بسمہ مستقبل میں پاکستان کے لیے کھیلتی رہیں گی اور اپنے ملک کا نام روشن کریں گی۔
I have accepted resignation of @maroof_bismah Captain of Pakistan Women’s National Team. She wants to make way for a younger colleague. But happily she will continue to play for Pakistan and bring laurels for her country.
— Najam Sethi (@najamsethi) February 28, 2023
واضح رہے کہ بسمہ معروف کی قیادت میں قومی ٹیم نے 34 میں سے 16 ون ڈے میچز میں کامیابی حاصل کی ہے جبکہ 62 میں سے 27 ٹی ٹوئنٹی جیتے ہیں۔