ابھی توہمارا لانگ مارچ احمد پور شرقیہ پہنچااور پٹرول سستا ہوگیا ،سعد رضوی

ایک نیوز :تحریک لبیک کے امیر علامہ سعد حسین رضوی نے کہا کہ ابھی توہمارا لانگ مارچ احمد پور شرقیہ پہنچااور پٹرول سستا ہوگیا ،ابھی اسلام آباد دور ہے ،اسلام آباد پہنچیں گے توبجلی بھی سستی ہوگی آٹا بھی ۔
تفصیلات کےمطابق تحریک لبیک کا لانگ مارچ کراچی سے احمدپورشرقیہ پہنچ گیا، لانگ مارچ کی قیادت امیر جماعت علامہ سعد حسین رضوی کر رہے ہیں۔ شرکا نے چوک منیر شہید  کے مقام پر کچھ دیر قیام کیا۔ لانگ مارچ کے شرکاء اور احمدپورشرقیہ کی عوام سے امیر جماعت علامہ سعد حسین رضوی کی مختصر بات چیت ۔اس موقع پر خطاب کرتے ہوئے امیر تحریک لبیک نے کہا کہ ابھی توہمارا لانگ مارچ احمد پور شرقیہ پہنچااور پٹرول سستا ہوگیا ابھی اسلام آباد دور ہے ،اسلام آباد پہنچیں گے تو بجلی بھی سستی ہوگی آٹا بھی ۔ جو لوگ کہتے تھے کہاں ہیں لبیک والے ہم کہتے ہیں جب ہم اسلام آباد آئیں تو تم جہاں کہو گے وہاں لبیک والے ہوں گے ۔انہوں نے کہا کہ ہم کوئی ڈیل کرکے نہیں نکلے ہم جب بھی نکلتےہیں قوم کے مفاد کیلئے نکلتے ہیں ۔تحفظ ناموس رسالت کیلئے نکلتے ہیں ۔