ایک نیوز: لاہورمیں 4 قتل اوراندھے قتل کی سنگین وارداتوں میں ملوث 07ملزمان کو گرفتار کرلیا گیا۔
تفصیلات کے مطابق لاہور کے علاقے ساندہ میں 22سالہ دانش کے اندھے قتل کا ڈراپ سین،بیوی کو آشنا سمیت گرفتار کرلیا گیا ہے۔
ایس پی انویسٹی گیشن اقبال ٹاؤن کے مطابق ملزمہ صائمہ نے چچا زاد شہباز کے ذریعے اپنے شوہر کو قتل کروایا،ملزمہ صائمہ اپنی شادی سے ناخوش تھی اورملزم شہباز کے ساتھ ناجائز تعلقات تھے، صائمہ نے رات کو میٹھے چاولوں میں زہریلی گولیاں ملا کرتمام گھر والوں کو کھلائیں،اور پلاننگ ساتھ ملزم شہباز نے فائرنگ کر کے دانش کو قتل کیا اور فرار ہو گیا۔
ایس پی انویسٹی گیشن عقیلہ نقوی نے کہا کہ ملزمان سے نشہ آور گولیاں اور آلہ قتل پسٹل برآمد کر لیا گیا،وحدت کالونی میں دوہرے قتل کی لرزہ خیز واردات میں ملوث 4ملزمان کو بھی گرفتار کرلیا گیا ہے،مقتول دلاور عرف اسامہ اور اُم کلثوم دونوں آپس میں شادی کرنا چاہتے تھے،گرفتارملزمان میں مقتولہ اُم کلثوم کا شوہر شفقت محمود، بھائی بلال، ایوب اور عاقب شامل ہیں۔
ایس پی انویسٹی گیشن عقیلہ نقوی نے کہا کہ مقتولہ اُم کلثوم پہلے سے شادی شدہ تھی اور ملزم شفقت محمود کی بیوی تھی،ملزمان نے غیرت کے نام پر چھریوں کے وار کر کے دونوں کو بے دردی سے قتل کیا،ملزمان سے آلہ قتل چھری اور پسٹل برآمد کر لیاگیا،شیرا کوٹ میں 56سالہ شہری کے اندھے قتل میں ملوث ملزمہ کو گرفتار کرلیا گیا ہے،ملزمہ ثناء لطیف کے مقتول محمد خان کے ساتھ ناجائز تعلقات تھے،ملزمہ نے نامعلوم وجوہات کی بنا کر محمد خان کو قتل کیا،ملزمہ نے آشنا رفاقت عرف پھیکی کی مدد سے نعش نیم برہنہ حالت میں راوی کنارے پھینک دی تھی، ملزم رفاقت عرف پھیکی ضمانت پر ہے جسے جلد گرفتار کر لیا جائے گا۔
https://www.pnntv.pk/uploads/digital_news/2023-06-01/news-1685616198-3294.mp4