ایک نیوز: وفاقی حکومت نے پیٹرول پر عائد لیوی میں مزید 5 روپے کا اضافہ کردیا ہے۔
رپورٹ کے مطابق عالمی مارکیٹ میں پیٹرول کی قیمت میں کمی اور روس سے سستے تیل کی درآمد کے باوجود حکومت نے پیٹرول کی قیمتوں میں کمی نہیں کی۔حکومت کی جانب سے پیٹرول پر عائد لیوی پانچ روپے اضافے کے بعد 50 روپے سے بڑھ کر 55 روپے ہوگئی۔
وزارت خزانہ کےحکام کا کہنا ہے کہ ہائی اسپیڈ ڈیزل پر عائدلیوی میں کوئی اضافہ نہیں کیا گیا ہے۔ہائی اسپیڈ ڈیزل پر لیوی 50 روپے فی لیٹر وصول کی جائے گی۔
خیال رہے کہ گزشتہ روز وفاقی وزیر خزانہ اسحاق ڈار نے آئندہ 15 دنوں کے لئے پیٹرولیم مصنوعات کی نئی قیمتوں کا اعلان کیا تھا۔قبل ازیں فنانس بل 2023 میں طے شدہ پیٹرولیم لیوی میں مزید 10 روپے فی لیٹر اضافہ کیا گیا جس کے بعد لیوی 60 روپے فی لیٹر تک پہنچ گئی ۔