ایک نیوز: بالی وڈ کے نامور اداکار کارتک آریان اور کیارا ایڈوانی کی نئی فلم ’ستیا پریم کی کتھا‘ سینما گھروں میں ریلیز کردی گئی۔
تفصیلات کےمطابق دونوں فنکاروں کی رومینٹک کامیڈی فلم نے پہلے روز زیادہ رش نہیں لیا لیکن پہلے دن سینما جانے والوں نے فلم کو شاندار قرار دیا ہے۔
سینما میں جاکر فلم دیکھنے والوں کو کارتک اور کیارا کی کیمسٹری بہت پسند آئی ہے اور وہ فلم کی کہانی اور موضوع سے بہت متاثر ہوئے ہیں۔
سوشل میڈیا پر ایک صارف نے لکھا ’ستیا پریم کی کتھا ایک بہترین فلم ہے، یہ عام انسانوں کی سادہ سی محبت کہانی ہے جس میں ایک مضبوط سوشل پیغام دیا گیا ہے۔
ایک ٹویٹر صارف نے لکھا کہ فلم کچھ سنجیدہ موضوعات کو موضوع بحث بناتی ہے، یہ لازمی طور پر ایک بلاک بسٹر ثابت ہوگی۔
سمیر ودوانس کی ہدایت کاری میں بننے والی ’ستیا پریم کی کتھا‘ میں کارتک آریان اور کیارا ایڈوانی ’بھول بھلیاں2‘ کے بعد دوبارہ جمع ہوئے ہیں۔
کیپشن: Karthik Aaryan and Kiara Advani's movie "Sathyaprem Ki Katha" released