ایک نیوز: پاکستان تحریک انصاف اور حکومت کے درمیان مذاکراتی ٹیبل کل دو جنوری کو سجے گی۔
پاکستان تحریک انصاف نے دو بڑے مطالبات حکومت کے سامنے رکھنے کا فیصلہ کر لیا ہے،بیرسٹر گوہر نےمذاکرات کو ہی مسائل کا حل قرار دیا،اسد قیصر بولے ہمارے مطالبات واضح ہیں ، بانی کی رہائی سمیت کمیشن بنایا جائے۔
مذاکرات کے حوالے سے سابق سپیکر قومی اسمبلی اسد قیصر نے اپنے ایک بیان میں کہا کہ ہم اپنی مذاکرتی ٹیم سے مشاورت کر رہے ہیں اور آپسی ملاقاتیں بھی جاری ہیں، ہمارے مطالبات میں بانی پی ٹی آئی کی رہائی سمیت 9 مئی اور 26 نومبر کے واقعات کی تحقیقات شامل ہے۔
انہوں نے کہا کہ ملک کو آگے لیجانے کے لیے ہر ممکن تعاون کی کوشش کرینگے، علی امین گنڈا پور سمیت مذاکرتی ٹیم کے ارکان اگلی نشست کا حصہ ہونگے ،چیئرمین تحریک انصاف بیرسٹرگوہر نے بھی مذاکرات کا خیر مقدم کیا،بولے حکومت اور اپوزیشن مذاکراتی کمیٹیوں کے تمام ارکان ہی بہترین سیاسی بصیرت کے حامل ہیں۔
انہوں نے یہ امید ظاہر کی کہ فریقین مزاکرات میں کھلے دل اور نیک نیتی کا مظاہرہ کریں گے، حکومت اور اپوزیشن میں مزاکرات کی کامیابی درحقیقت پاکستان کی کامیابی ہوگی ،جاری نوٹفکیشن کے مطابق مذاکراتی کمیٹی کا اجلاس 2 جنوری کو صبح ساڑھے 11 بجے ہو گا۔
اجلاس کی صدارت سپیکر قومی اسمبلی سردار ایاز صادق کریں گے جب کہ مذاکراتی کمیٹیوں کا اجلاس ان کیمرہ ہوگا، جس میں پی ٹی آئی اپنا چارٹر آف ڈیمانڈ پیش کرے گی۔
کیپشن: The negotiation table between PTI and the government will be set tomorrow