ایک نیوز:وزیراعلیٰ پنجاب مریم نواز نے نئے سال کے موقع پر اپنے پیغام میں کہاہے کہ "خدا کرے میری ارض پاک پر اترے وہ فصلِ گل جسے اندیشہء زوال نہ ہو "، مریم نواز نےپوری قوم کو مبارکبا د دی۔
مریم نواز نے کہا کہ دعا ہے سال نو پاکستان کے عوام کیلئے خوشی اور خوشحالی کی نویدہو، عوام کی خوشیوں ،صحت جان ومال کی حفاظت کی لئے ہمہ وقت دعا گو ہوں ، سال نو میں انفرادی اور اجتماعی طور پر نئی شروعات اورروشن مستقبل کا آغاز کا عزم کرتے ہیں، عوام کی خدمت ، حفاظت اور ترقی کی مشن کو آگے بڑھائیں گے ۔
مریم نواز کا کہنا تھا کہ شریف کینسر ہسپتال ، سرگودھا کارڈیالوجی انسٹیٹیوٹ ،اٹزم سکول اور آئی ٹی سٹی کی تکمیل کے عزم کا اعادہ کرتے ہیں، دعا ہے سال نو وطن عزیز سے غربت و افلاس، دھشتگردی وانتہا پسندی اور جرائم کے خاتمے کا سال ہو، الحمدللہ 2024 میں تعلیم، زراعت، انرجی ،ہیلتھ سمیت ہر شعبے میں تاریخی اور ریکارڈ پراجیکٹ لائے، اب مزید آگے بڑھیں گے،ہم ایک مستحکم ، روشن اور خوشحال مستقبل کا عزم کرتے ہیں۔
وزیراعلی ٰ کا مزید کہنا تھا کہ دہشت گردوں کے خلاف جنگ میں شہادت کا رتبہ پانے والے ہر جوان اور افسر کو سلام عقیدت پیش کرتے ہیں، سال نو کے آغاز میں عہد کرتے ہیں دن رات کام کریں اور عوام کی خدمت کا وعدہ نبھا ئیں گے، دعا ہے 2025 کشمیر اور فلسطین کی آزادی کا سال ہو۔
کیپشن: Public service, safety and development will be promoted in the new year: Maryam Nawaz