ایک نیوز: اے این ایف کا ملک کے مختلف شہروں میں منشیات سمگلنگ کے خلاف کریک ڈاؤن جاری ہے۔
مختلف 10کاروائیوں میں11ملزمان گرفتار کیے گئے، کاروائیوں میں 58 لاکھ سے زائد مالیت کی 32.914 کلوگرام چرس برآمد ہوئی، راولپنڈی میں کوریئر آفس میں برطانیہ سے بھیجے گئے پارسل سے 24 گرام ویڈ برآمد، ایم ون موٹر وے اسلام آباد کے قریب گاڑی میں چھپائی گئی 12 کلو چرس برآمد، 2 ملزمان گرفتارہوئے۔
اسلام آباد میں ایم ون موٹر وے کے قریب ایک اور کاروائی میں ملزم سے 1.2 کلو چرس برآمدہوئی، گوادر میں جیوانی کے غیر آباد علاقے میں چھپائی گئی 10 کلو چرس برآمد، مہریہ ٹاؤن اٹک کے قریب ملزم کے قبضے سے 6 کلو چرس برآمد، اقبال شہید ٹول پلازہ جی ٹی روڈ اٹک کے قریب تین کاروائیاں کاروائیوں میں 3 ملزمان کے قبضے سے 120 عدد نشہ آور گولیاں، 290 افیون اور 136 گرام چرس برآمد ہوئی۔
راولپنڈی میں سیٹلائٹ ٹاؤن کے قریب ملزم سے 1.2 کلو چرس برآمد، سہراب گوٹھ الآصف سکوائر کراچی میں ٹرالی بیگ سے 2 کلو ہیروئن برآمدجبکہ3ملزمان گرفتارکیے گئے، گرفتار ملزمان کے خلاف انسداد منشیات ایکٹ کے تحت مقدمہ درج کر کے تحقیقات کا آغاز کر دیا گیا ہے۔
کیپشن: ANF crackdown, 33 narcotics recovered, 11 accused arrested