بالی وڈ سپر اسٹار عامر خان نے کلاسیکل موسیقی سیکھنی شروع کردی 

ویب ڈیسک :بالی وڈ سپر اسٹار عامر خان موسیقی کے میدان میں قدم رکھنے والے ہیں؟ اور وہ کلاسیکل موسیقی سیکھ رہے ہیں۔ 
بھارتی میڈیا نے اپنے ذرائع سے دعویٰ کیا ہے کہ اداکار نے روزانہ کی بنیاد پر موسیقی کیلئے ایک گھنٹہ مختص کر رکھا ہے۔کلاسیکل موسیقی میں مہارت کیلئے عامر خان نے ایک میوزک ٹیچر کی خدمات بھی حاصل کر رکھی ہیں اور وہ روزانہ ریاض کرتے ہیں۔
بالی وڈ سپر اسٹار پچھلے کئی برسوں سے متعدد مشغلے اپنا چکے ہیں اور وہ اپنی صلاحیتوں کو بڑھانے کیلئے ہمیشہ کوشاں رہتے ہیں۔
اداکار آج کل اپنی بیٹی ایرا خان کی شادی کی تیاریوں میں مصروف ہیں جو تین جنوری کو ایک فٹنس ٹرینر کے ساتھ ازدواجی رشتے میں منسلک ہوجائے گی۔
پروفیشنل لحاظ سے اداکار اپنی نئی فلم ’ستارے زمین پر‘ میں نظر آئیں گے جبکہ وہ سنی دیول کے مرکزی کردار میں فلم ’لاہور1947‘ کو پروڈیوس بھی کریں گے۔