ایک نیوز :آسٹریلیا کے وزیراعظم انتھونی البانیز کی جانب سے سڈنی میں پاکستان اور آسٹریلیا کی کرکٹ ٹیموں کے اعزاز میں تقریب کا اہتمام کیاگیا۔
آسٹریلوی وزیراعظم کی تقریب میں دونوں ٹیموں کے علاوہ پاکستان کرکٹ بورڈ کی منیجمنٹ کمیٹی کے چیئرمین ذکا اشرف، چیف آپریٹنگ آفیسر سلمان نصیر ، پاکستان کے ہائی کمشنر زاہد حفیظ چو دھری اور آسٹریلین کرکٹ بورڈ کے حکام بھی موجود تھے۔
آسٹریلوی وزیراعظم نے تقریب کے دوران پاکستان اور آسٹریلیا کی کرکٹ ٹیموں کو خوش آمدید کہا۔
آسٹریلوی وزیراعظم انتھونی البانیز کاکہنا تھا کہ پاکستان ٹیم نے دورہ آسٹریلیا میں اچھی کرکٹ کھیلی ہے ۔امید ہے سڈنی ٹیسٹ میں بھی اچھی کرکٹ دیکھنے کو ملے گی۔
پاکستان کرکٹ ٹیم کے کپتان شان مسعود نے آسٹریلوی وزیراعظم کا شکریہ ادا کیا۔