کون سی لیگ بہتر!آئی پی ایل یا پی ایس ایل،وسیم اکرم نےبتادیا

ویب ڈیسک:قومی ٹیم کےسابق کپتان وسیم اکرم نےپاکستان سپرلیگ(پی ایس ایل)اورانڈین پریمئیرلیگ(آئی پی ایل)کےحوالےسےہونےوالی بحث کےبارےمیں اپنی رائےدیدی۔
تفصیلات کےمطابق انڈین پریمئیرلیگ(آئی پی ایل)بہترہےیاپاکستان سپرلیگ(پی ایس ایل )بڑاایونٹ ہےاس بارےمیں سوئنگ کےسلطان نےاپنےخیالات کااظہارکردیا۔
گزشتہ روز بھارتی سپورٹس ویب سائٹ پراپنےخیالات کااظہارکرتےہوئےسابق کپتان وسیم اکرم کاکہناتھاکہ میں دونوں لیگز میں ٹیموں کے ساتھ منسلک رہا ہوں، آئی پی ایل کا پاکستان سپر لیگ (پی ایس ایل) سےکوئی موازنہ نہیں ہے۔
سابق کپتان کامزیدکہناتھاکہ ’’پی ایس ایل صرف پاکستان کا بہت بڑا برانڈ ہے لیکن آئی پی ایل کو دنیا بھر فالو کیا جاتا ہے‘‘۔
سوئنگ کے سلطان سے جب کراچی کنگز اور کولکتہ نائٹ رائیڈرز میں سے کسی ایک ٹیم کو چننے کا کہا گیا تو وسیم اکرم نے دونوں ٹیموں کو چنا۔
دوسری جانب وسیم اکرم کے پاکستان سپر لیگ سے متعلق دئیے گئے بیان پر شائقین نالاں نظر آئے اور انہوں نے سابق کرکٹر پر تنقید کے نشتر بھی برسادئیے۔
قبل ازیں گزشتہ روز پاکستان اور آسٹریلین ٹیم میں کس کی کوچنگ کو ترجیح دیں گے؟ جس پر سوئنگ کے سلطان نے حیران کن جواب دیا تھا کہ میں کینگروز کی کوچنگ کرنا چاہوں گا۔
واضح رہے کہ سابق کرکٹر اسوقت پاک آسٹریلیا ٹیسٹ سیریز کے دوران کمنٹری پینل کا حصہ ہیں جبکہ پاکستان سپر لیگ میں معروف فرنچائز کراچی کنگز کے ڈائریکٹر کی ذمہ داریاں بھی نبھا رہے ہیں۔